ഇവരെന്റെ പ്രിയ മിത്രങ്ങൾ!

ഇവനെന്റെ പ്രിയ മിത്രം സുബ്ബു

1998 സെപ്റ്റെംബെര്‍ മാസം 23, സ്ഥലം ദോഹ, ഖത്തര്‍ - അന്ന് അവിടെ വെച്ചായിരുന്നു ഞാനവനെ ആദ്യമായി കണ്ടത്! ജോലി കിട്ടിയ സ്ഥാപനത്തില്‍ ആദ്യത്തെ ദിവസം തന്നെ, സ്വന്തം കാബിനില്‍ തെല്ലു പത്രാസോടെ വിരിഞിരിക്കുന്ന സുബോധ് എന്ന യുവാവ്! പരിചയപ്പെട്ടു. കേരളത്തിലെ വടക്കന്‍ ജില്ലയായ കണ്ണൂരിലാണു സ്വദേശം. ഉയരം കുറഞു അല്പം തടിച്ച ശരീരപ്രക്രിതി. ഒരേ ഫീൽഡ്. പ്രായം എന്നെക്കാള്‍ ഒരു വയസ്സുമാത്രം കൂടും. ഒരു മിതഭാഷിയാണെന്നു തോന്നിയെങ്കിലും സംസാരിച്ചു തുടങിയപ്പോള്‍ ആത്മാർത്ഥതയുള്ളയാളാണെന്നു മനസ്സിലായി.

Naresh Shetty - a guardian
(നരേഷ് ഷെട്ടി എന്ന ഗാർഡിയൻ)


നരേഷ് ഷെട്ടി എന്ന ഗാർഡിയൻ

1998ഇൽ തന്നെയാണ് ആദ്യമായി നരേഷ്ഭായിയെയും കണ്ടുമുട്ടുന്നത്. ഞാൻ ജോലി ചെയ്യുന്ന സ്ഥാപനത്തിന്റെ ഉടമസ്ഥനായ ഷേക്കിന്റെയും, നാസ്സർ എന്ന ഡെപ്യൂട്ടി സി.ഇ.ഒ യുടെയും സെക്രട്ടറിയാണ്. വളരെ ഉയർന്ന പദവി അതിസമർത്ഥമായി നിർവഹിക്കുന്ന ഒരു സന്മനസ്കനായ ഒരു വ്യക്തി.

ഐ.ടി. പ്രശ്നങ്ങൾ തീർക്കുന്നതിനായി ഷേക്കിന്റെ ഗ്രൂപ്പ് കമ്പനികളിലൊന്നിൽ ജോലിചെയ്യുന്ന എന്നെ ആരോ പറഞ്ഞറിഞ്ഞു വിളിപ്പിച്ചതാണ്. പിന്നീട് ആ ബന്ദം വളരെ സുദൃഢമായി തീർന്നു. അദ്ദേഹം എന്നെ പല വിഷമ ഘട്ടങ്ങളിലും, എന്റെ ഉറ്റവർ പോലും കൈവിട്ടപ്പോഴും, ഒരു സഹോദരനെപോലെ സഹായിക്കുകയും സമാധാനിപ്പിക്കുകയും ചെയ്ത ഒരു വ്യക്തിയുമാണ്. ഈ ഘട്ടങ്ങളിൽ എന്റെ സുഹൃത്തുക്കളോ, സഹോദരരോ ഒന്നും തന്നെ എനിക്കു തുണയായില്ല. അതുകൊണ്ടുതന്നെ ഞാനേറ്റവും ബഹുമാനിച്ചാദരിക്കുന്ന ഒരു വ്യക്തിയുമാണ് നരേഷ്ഭായ്.




തുടരും...