അദൃശ്യമായ പുഴ

ഒരുപാടു പുഴകളുടെ ആകെതുകയായിരുന്നു അവൾ - സ്നേഹത്തിന്റെ, പ്രണയത്തിന്റെ, ലാളനകളുടെ, സംരക്ഷണത്തിന്റെ, സന്തോഷത്തിന്റെ അങ്ങിനെ അങ്ങിനെ ഒരുപാടു പുഴകൾ... 

ആ പുഴകൾക്കിടയിലൂടെ അവയോടു തൊട്ടുരുമ്മി അദൃശ്യമായ മറ്റൊരു പുഴകൂടി ഒഴുകിയിരുന്നു. വീതി തീരെ കുറഞ്ഞ്, ആഴം വളരെ കൂടിയ സ്വാർത്ഥതയുടെ പുഴ. ആ പുഴയായിരുന്നു മറ്റെല്ലാ പുഴകളെയും, ആ കുടുംബത്തെതന്നെയും ഒരുമിപ്പിച്ചു നിർത്തിയിരുന്നത്.

ആ പുഴകളിൽ കുളിച്ചുമദിക്കുകയായിരുന്നു ആ കുടുംബം - അച്ഛനും മക്കളും. ആ കുടുംബത്തിന്റെ അന്നവും, ദാഹജലവും, ശുചിത്വവും, ആനന്ദവുമെല്ലാം ആ പുഴകളുമായി ബന്ദപ്പെട്ടായിരുന്നു. 

അവൾപോലുമറിയാതെ, കാലാകാലങ്ങളിൽ, പ്രകൃതി മഴയായ് പെയ്തിറങ്ങി ആ പുഴകളെ ജലസ_മൃദ്ധമാക്കികൊണ്ടേയിരുന്നു. അതൊന്നുമറിയാതെ ആ പുഴകൾ ഒഴുകികൊണ്ടേയിരുന്നു... മറ്റുള്ളവർക്കായി.